Det vart skikkeleg julekos på Breidabik fredag  med utruleg god mat  (takk til Breidablik og Harald &co) og god underhaldning , der eg må nemne Inga Lill Lännerhol, som song nydeleg  – både kjende og nyare songar – saman med Kevin Myklebust på piano! Men meire til: Isabell song og Rebekka og Adele viste fram drillkunster! Ja, så var Unni Takseth der og kåserte! Kjekk kveld; og takk til arrangøren!

Laurdag var det Landsbyquiz på Naboen Restaurant  med rundt 40 deltakarar!  Spennande vart det med eit Herøy-lag som vinnarar av  «lagkonkurransen».  I «Superfinalen» vart det  det Karl Arthur som seira over Lars Petter og Karl Anders Brendmo! Margunn og Trond losa dei 8 laga gjennom kvelden på ein god måte! God stemning heile kvelden!

Så var det 1. advent – og etter julegrantenninga ved Sandetun inviterte HML Varden til adventskaffi på Landsbyhuset –  heilt full sal, og med underhaldning av Varden og Småtroll vart dette ein god og fin start på  adventstida!

Og kven sa; er det noko som skjer i Landsbyen?

Har nokon bilete frå fredag og laurdag som vi kan brukast, send meg!

tronto@tussa.com